“O'zbekinvest” EIMSK  mijozlar ehtiyojlaridan kelib chiqqan holda  ularga keng turdagi sug'urta xizmatlari ko'rsatib kelmoqda.  O'z faoliyati davomida kompaniya  xizmatlarning mijozlarga yetib borishini   ta'minlashga  alohida e'tibor qaratmoqda. Bunda  kompaniya filallari, xususan  Toshkent shahar filiali faoliyati   muhim rol o'ynaydi. Masalan,  shu yilning birinchi yarmida   ushbu filial tomonidan  yig'ilgan sug'urta mukofotilari hajmi  o'tgan yilning shu davriga nisbatan 125 foizga oshdi.

Ayni paytda  “O'zbekinvest” kompaniyasining Toshkent shahar filiali tomonidan  sug'urta xizmatlari uning  shahar bo'ylab joylashgan  11 ta  bo'linmasi orqali ko'rsatilmoqda. Mijozlarga  keng turdagi sug'urta mahsulotlari va xizmatlarini taklif etish orqali  filial   asosiy moliyaviy ko'rsatkichlarning o'sishini ta'minlamoqda.

- Shu yilning birinchi yarim yilligida  filial tomonidan  7300 dan ziyod  sug'urta shatnomalari imzlangan bo'lib, ular bo'yicha olingn sug'urta majburiyatlari miqdori  qariyb 2 trln. so'mni tashkil etdi,  - deydi  “O'zbekinvest” EIMSK  Toshkent shahar filiali  Mulkiy xatarlarni  sug'urtalash departamenti katta anderrayteri Mirolim Turg'unboyev. -   Ko'rilayotgan davrda  filial  tomonidan  6,2 mlrd. so'm miqdoridagi sug'urta mukofotlari yig'ildi.  Bu boradagi o'sish  2014 yilning shu davriga qaraganda 125 foizga teng bo'ldi.

Ta'kidlash kerakki, kompaniyaning Toshkent shahar filiali tomonidan yig'ilgan sug'urta mukofotlarida  ixtiyoriy sug'urta turlari katta ulushga ega. Xususan, yil boshidan beri bu ko'rsatkich  4,8 mlrd. so'mni tashkil qildi.  Majburiy  sug'urta turlari, jumladan transport vositalari egalarining fuqarolik javobgarligini majburiy sug'urta qilish  bo'yicha mukofotlar esa 1 mlrd. so'mdan oshgan.   Ish beruvchining fuqarolik javobgarligini majburiy sug'urtalash sohasida  esa 418,5 mln. so'm miqdoridagi sug'urta mukofotlari yig'ildi.  Yana shuni ham  qo'shimcha qilish kerakki,  kompaniyaning Toshkent shahar filiali  tomonidan  aholiga ko'rsatilayotgan xizmatlar sifatini yaxshilashga  doimiy e'tibor qaratilib,  bu o'z o'rnida  filial faoliyatining yanada  rivojlanishiga  xizmat qilmoqda. 

“UzReport” axborot agentligi