You are here

"O'zbekinvest" EIMSK investitsion portfeli 5 yil davomida 1,5 barobarga o'sdi

“O'zbekinvest” EIMSK sug'urta faoliyatini  samarali rivojlantirishning muhim faktorlaridan biri sifatida   o'zining investitsion siyosatiga  alohida e'tibor qaratib kelmoqda.  Huddi  o'tgan yillar kabi  2015 yil uchun mo'ljallangan investitsiyaviy siyosatda   barqaror  natijalar orqali    moliyaviy barqarorlikka erishish,  kompaniyaning  to'lov qobiliyati va raqobatdoshligini oshirish muhim o'rin tutadi.   

Kompaniyaning investitsion siyosatida  daromadlar  darajasi bilan  investitsiyalarning  qaltislik darajasi  imkon qadar  bozorning o'rtacha ko'rsatkichlariga  yaqinlashtirilgan.  Bu borada  ko'zlangan maqsadlarga erishish uchun  kompaniya tomonidan  portfelli sarmoyalar, korxonalar boshqaruvida kompaniya ishtiroki, kelgusi savdolarni ko'zlab investitsiyalar, qayta tashkil etilayotgan  korxonalarga sarmoyalar kabi yo'nalishlarda  aniq strategiyalar ishlab chiqilgan.

Kompaniya aktivlari    likvidlik, diversifikatsiya va daromadlilik  tamoyillari asosida  jalb etiladi  va aynan  ular aktivlar natijaviyligini ta'minlashda  hal qiluvchi faktor hisoblanadi.

- Bundan tashqari,  “O'zbekinvest” EIMSK  o'z sarmoyalarini  u yoki bu sohaga  jalb etishda  yuqori stavkali  foyda va  aktivlarning qisqa muddatli muommalasi kabi  moliya instumentlaridan  foydalanadi, - deydi Moliyaviy rejalashtirish va itisodiy tahlil bo'limi katta menejer assistenti Dilfuza Shukurova. -  Bunda eng muhim masala bu  aktivlarning ishonchliligidir.  Buning natijasida o'tgan 5 yil davomida  kompaniyaning investitsion portfeli  1,5 barobarga  o'sib, 236,2 mlrd. so'mni tashkil etdi.  Shu yilning 1 chorak natijalarini ko'radigan bo'lsak,   O'zbekinvest  investitsiyalari hajmi 240,4 mlrd. so'mga teng bo'lib,  o'tgan yilning shu davri ko'rsatkichlaridan 11 foizga  oshgan.

Xulosa qiladigan bo'lsak,   moliviy barqarorlik va ishonchlilik sug'urta kompaniyasini tanlashda  eng asosiy tamoyillardan biridir. Ayni shu ma'noda  “O'zbekinvest” sug'urta kompaniyasi milliy sug'urta bozorida   “Moody's investors Services”  xalqaro reyting  agentligining  barqaror prognozi bilan  sug'urtalovchining moliyaviy barqarorligi – B1 reytingini olgan  yagona  sug'urta  tashkiloti  sanaladi. 

 “UzReport” axborot agentligi